Menjëherë pas përfundimit të mbledhjes së Grupit Parlamentar të LSI, në një konferencë për shtyp doli deputeti Petrit Vasili, i cili kritikoi ashpër buxhetin e vitit 2018, që ka prezantuar qeveria. Sipas Vasilit koncensionet e rrugëve po bëhen pa ndjekur asnjë procedurë, sepse shkojnë si dhuratë për biznesmenët që qëndrojnë pranë qeverisë, ndërsa me TVSH-në për biznesin e vogël do të favorizohen oligarkët. Qeveria me këtë buxhet, për Petrit Vasilin kthehet në një mekanizëm të pastrimit të parave. “Është një buxhet që stimulon shqiptarët të largohen nga Shqipëria dhe nuk i afron aspak investimet e huaja. Buxheti thellon ndjeshëm papunësinë dhe varfërinë në vend dhe nuk jep asnjë zgjidhje për të. LSI do të votojë kundër një buxheti të tillë që sjell rrënim dhe varfëri”, deklaroi Vasili.
https://www.facebook.com/levizjasocialisteperintegrim/videos/1767365386610045/
