Një krim i rëndë ka ndodhur në orët e paradites së sotme në provincën e Gorizias, në Udine, Itali. Një shqiptar ka masakruar me thikë bashkëshorten e tij në banesë, në sy të fëmijës 8 vjeç.
Mediat italiane kanë zbardhur edhe emrat e çiftit. Siç shkruajnë ata, viktimë e këtij krimi ka mbetur 30-vjeçarja Migena Këllezi, ndërsa autori i vrasjes është Dritan Sulollari, 37 vjeç.
Burri mësohet se kishte disa muaj që ishte i papunë dhe është vënë në pranga nga policia.
Sipas të dhënave Migena Këllezi ishte nga Elbasani dhe jetonte prej disa kohësh në provincën e Gorizias në Udine në Itali.
Por mbeten mister shkaqet pse ai i mori jetën bashkëshortes së tij duke e qëlluar disa herë me thikë.
