Një trup i pajetë është gjetur paraditen e sotme në aksin rrugor Lushnje-Fier, buzë rrugës tek rrethrrotullimi i Kolonjës. Viktima është i seksit mashkull dhe dyshimet e para janë se ai mund të jetë vrarë. Policia ka shkuar në vendin ku eshte gjetur viktima dhe po punon për identifikimin e tij.
Njoftimi paraprak i Policise Lushnje
Në datën 29.10.2017, rreth orës 11:00, në tokat e fshatit Kolonjë, Lushnje, në një kanal vaditës, është gjetur nga banorë të zonës një shtetas i vdekur, i seksit mashkull, rreth 65 vjeç. Grupi hetimor po punon për identifikimin e viktimës dhe zbardhjen e plotë të ngjarjes.
