Ish-kryeministri Sali Berisha ka lëshuar një bombë mbrëmjen e sotme kur u shpreh se Emiljano Shullazi kërcënon Ramën nga burgu. I ftuar në News24, në emisionin “Studio e Hapur”, Berisha tha se Emiljano Shullazi aktualisht në burg dhe në proces gjyqësor për disa akuza ka kërcënuar kryeministrin Edi Rama. Duke folur për komprometimin e provave dhe sa i rrezikon provat ish-ministri Saimir Tahiri nëse nuk arrestohet, Berisha tha se edhe në burg mund t’i prishë, duke sjellë si shembull Emiljano Shullazin. Ish-kryeministri tha se Shullazi ka tre celularë në burg dhe me njërin komunikon me Ramën. I ngacmuar nga gazetarja Vasili nëse e kërcënon, Berisha aprovoi.
Vasili: Për çfarë i duhet të komunikojë me Ramën?
Berisha: I duhet me çdo kusht të dalë nga burgu.
Vasili: Atëherë e kërcënon kryeministrin?
Berisha: Padiskutim e kërcënon. Po hyre në tratativa me ta.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
