Deputeti demokrat Gent Strazimiri është shprehur se provat e paraqitura nga prokuroria në Këshillin e Mandateve janë të çertifikuara nga antimafia italiane. I ftuar në studion e emisionit “Kjo Jave” te gazetares Nisida Tufa ne “News24” Strazimiri u shpreh:
“Për fat të keq vendosën ta mbajnë dhe të mbajnë anën e krimit, provat në pjesën më të madhe të tyre janë të certifikuara nga antimafia italiane, aq serioze janë, janë 4 vjet përgjime, janë të tëra fakte të njohura këto deri tani. Seancën e fundit me një siklet të madh kolegët socialistë përdorën këtë argument, të gjithëve u kishin vënë në gojë: nuk më krijohet bindja që ekziston një dyshim i arsyeshëm. Zyrtarisht sot mbani mend kete date eshte nje dite e rende per Shqiperine”.
