Presidenti i Republikës, Ilir Meta mori pjesë sot në 25 vjetorin e Gjykatës Kushtetuese. Meta është pyetur për kërkesën e Prokurorisë për arrestimin e ish-ministrit të Brendshëm, Saimir Tahiri dhe është përgjigjur shkurt, duke shmangur komentet për zhvillimet e pritshme lidhur me këtë çështje.
“I uroj jetë të gjatë Gjykatës Kushtetuese”,- ka qenë përgjigjja e Metës për gazetarët. Kreu i Shtetit ka marrë pjesë në konferencën për 25 vjetorin e themelimit të Gjykatës Kushtetuese ku mori pjesë kryeministri Edi Rama si dhe përfaqësues të trupit diplomatik ndër ta edhe ambasadori Donald Lu.
