Një shqiptar 34 vjeçar humbi jetën si pasojë e një aksidenti. Ngjarja e rëndë ka ndodhur në Valganna, komuna e Vareses, në Itali. Frank Marku, rezident në Valganna, u përplas dje në mbrëmje me makinën e tij në një mur pranë rrugës. Përplasja ishte aq e fortë sa që Marku ka fluturuar jashtë makinës, duke marrë plagë shumë të rënda. Ai është transportuar menjëherë në spitalin Circolo, por nuk mundi t’u mbijetonte plagëve. Në makinë me Markun ishte edhe një fëmijë 13-vjeçar, i cili gjendet në spital, por me plagë të lehta e jashtë rrezikut për jetën.
