Ambasadori Donald Lu ka hapur në Rrëshen takimin e parë të Serisë së Bisedave të Ambasadës Amerikane me të rinjtë. Lu u takua me nxënës të shkollës së mesme, foli mbi punën që Ambasada kryen në Shqipëri, si dhe bashkëbisedoi për të ardhmen, shpresat dhe sfidat e tyre. Ambasadori Lu iu tha të rinjve të Rrëshenit se nëse qeveria nuk u përgjigjet, ata mund ta rrëzojnë atë.
“Ju jetoni në demokraci. Ju duhet të kërkoni dhe nëse qeveria nuk ju përgjigjet, ju e rrëzoni atë. Kështu funksionon demokracia. Në demokraci, përgjegjësinë dhe pushtetin e keni ju. Ne mirëpresim ditën kur ju do të jeni udhëheqësit e Shqipërisë”,- tha Lu.
