Është arrestuar i shumëkërkuari Mikel Doçi pas 5 muajsh arrati. Policia e Shkodrës ka vënë në pranga 24-vjeçarin, i cili u shoqërua në prill të këtij viti, si i dyshuar pas një plagosje në lagjen “Skenderbeg”. Por, gjatë dërgimit në dhomat e paraburgimit pa pranga në duar i shoqëruar nga një efektiv policie, më 17 prill Doçi goditi disa herë me grushte policin që po e shoqëronte duke u larguar me shpejtësi. I arratisuri ka zbritur shkallët me vrap dhe më pas në dalje është ndeshur me një tjetër efektiv të cilin gjithashtu e ka qëlluar dhe më pas doli në pjesën e pasme të godinës ku ka kapërcyer murin rrethues duke u arratisur. Për ngjarjen u pezulluan disa punonjës policie dhe për disa të tjerë u vendosen paralajmërime. 24-vjeçari u arrestua sepse dyshohej se kishte qëlluar me armë në ajër por mëngjesin e 17 prillit.
Arrestohet Mikel Doçi para 5 muajsh u arratis nga komisariati i Shkodrës
