PD propozon krijimin e dy grupeve të reja pune në IDC-CDI, një grup për demokracinë e zgjedhjet, si dhe një grup për kartelet. Propozimet mirëpriten nga presidenti i IDC-CDI, Andres Pastrana Arango
Gjatë punimeve të Asamblesë së Përgjithshme të Organizatës së Qendrës së Djathtë Demokrate IDC-CDI të zhvilluar në Bruksel, kryetari i Partisë Demokratike, Sali Berisha ka propozuar ngritjen e dy grupe pune.
Propozimi i parë është ngritja e Grupit të Punës për Demokracinë, Integritetin Zgjedhor, Pluralizmin Politik dhe Liritë Themelore.
Propozimi i dytë ishte Grupi i Punës për kapjen e shtetit, krimin e organizuar dhe korrupsionin e organizuar.
Këto propozime janë mbështetur dhe nga presidenti i IDC-CDI-së, Andres Pastrana Arango.
‘Faleminderit shumë.
Në OEA (Organizata e Shteteve Amerikane), prej shumë vitesh, siç e dini edhe ju, zoti President, ne kemi ndjekur nga afër problemin e drogës.
Dhe këtë po jua thotë dikush që e ka përjetuar vetë këtë situatë në Amerikën Latine, siç është rasti i Kolumbisë.
Por ne do të vazhdojmë.
Është një ide shumë e mirë krijimi i një grupi pune, sepse ka shumë të ngjarë që kjo të jetë kërcënimi i ri për Europën, e cila vetëm tani ka filluar të kuptojë problemet me të cilat mund të përballet.’, u shpreh presidenti i IDC-CDI-së Andrés Pastrana Arango gjatë fjalës së tij. a.b
