SPAK ka paraqitur prova të reja në procesin gjyqësor ndaj ish-ministrit të Shëndetësisë, Ilir Beqaj, si dhe të bashkëpandehurve në dosjen e njohur si “SASPAC”.
Gjatë seancës së kësaj të mërkure në fazën e shqyrtimit paraprak, prokurorët depozituan në gjykatë një zarf me materiale të reja provuese.
Sipas burimeve pranë Gjykata e Posaçme kundër Korrupsionit dhe Krimit të Organizuar, provat përfshijnë disa tabela në format Excel, të konsideruara me interes për hetimin, të nxjerra nga këqyrja e laptopit të të pandehurit Aldred Nikolla.
Në këtë çështje, Ilir Beqaj akuzohet për disa vepra penale, mes tyre korrupsion, shkelje të barazisë në tendera dhe mashtrim, të dyshuara se janë kryer gjatë kohës kur drejtonte SASPAC.
Së bashku me të, në proces janë të pandehur edhe 10 persona të tjerë.m.k
