Policia e Shtetit ka ndërmarrë sërish lëvizje në strukturat drejtuese, pasi këtë të martë, më 28 prill, janë emëruar drejtues të rinj në disa komisariate dhe drejtori kufitare në vend.
Sipas burimeve, Alfred Cenaj është caktuar shef i Komisariati Nr. 2 në Tiranë.
Ndërkohë, Arbër Zemani largohet nga detyra si drejtor i Kufirit në Shkodër, për të marrë drejtimin e Drejtorisë së Kufirit në Vlorë.
Po ashtu, Altin Lila është emëruar drejtor i Kufirit në Durrës, ndërsa Agim Basha do të mbajë postin e drejtorit të Kufirit në Shkodër.
Lëvizjet vijnë në kuadër të riorganizimit të strukturave drejtuese të policisë në disa qarqe të vendit.
