Gjykata e Posaçme Kundër Korrupsionit dhe Krimit të Organizuar ka dhënë vendimin për dosjen që lidhet me ish-drejtues të Policisë Rrugore të Tiranës dhe vartës të tij.
Edison Tabaku u dënua me 3 vite burg, por për shkak të gjykimit të shkurtuar do të vuajë 2 vite heqje lirie. Po ashtu, Sokol Novakun u dënua me 3 vite burg dhe do të vuajë 2 vite burg, ndërsa Erges Vrioni u dënua me 1 vit e 6 muaj burg, por do të vuajë vetëm 1 vit.
Ndërkohë, gjykata vendosi deklarimin e pafajshëm të ish-shefit të Policisë Rrugore të Tiranës, Roven Zeka, për akuzën e korrupsionit, pasi sipas trupës gjykuese vepra penale nuk u provua.
Sipas akuzës, Zeka dyshohej se në bashkëpunim me vartësit e tij kishin marrë 2 mijë euro ryshfet për të mos arrestuar bashkëshorten e një biznesmeni, e cila ishte përfshirë në një aksident rrugor në prill të vitit 2025.
