Ervis Mata, i njohur ndryshe me nofkën “Boli”, është arrestuar dy ditë më parë në São Paulo, në kuadër të një operacioni kundër trafikut ndërkombëtar të drogës.
Sipas burimeve, Mata prej afro dy vitesh jetonte mes Brazilit dhe Paraguajit, ndërsa dyshohet se ishte rikthyer sërish në aktivitetin e trafikut të kokainës.
Lokalizimi i tij mësohet se është bërë nga bashkëpunimi i SPAK me partnerët ndërkombëtarë të zbatimit të ligjit.
Arrestimi është kryer në periferi të São Paulo, ku Mata është kapur së bashku me disa shtetas të tjerë, të dyshuar si pjesë e një rrjeti të narkotrafikut.
Burimet bëjnë me dije se gjatë ndalimit ai u ka paraqitur autoriteteve braziliane dokumente false britanike, të cilat dyshohet se i përdorte për të shmangur identifikimin.a.b
