Shqipëria përballet me rrezikun e humbjes së mbi 67 milionë eurove nga fondet e Bashkimi Evropian, nëse nuk ndërmerr në kohë reformat e kërkuara në kuadër të Planit të Rritjes për Ballkanin Perëndimor.
Paralajmërimi vjen nga komisionarja evropiane për Zgjerim, Marta Kos, e cila sipas burimeve në Komisioni Evropian, cituar nga Radio Evropa e Lirë, u ka dërguar një letër zyrtare më 17 prill të gjitha vendeve të rajonit, duke kërkuar përshpejtimin e reformave.
Sipas të dhënave, Shqipëria rrezikon konkretisht të humbasë rreth 67.7 milionë euro, nëse nuk përmbush detyrimet brenda afateve të përcaktuara. Afati kritik është fundi i qershorit 2026, moment kur vendet mund të hyjnë në fazën e “humbjes së përhershme” të fondeve nëse nuk realizojnë reformat e dakorduara.
Në total, gjashtë vendet e Ballkanit Perëndimor mund të humbasin deri në 710 milionë euro nga kjo paketë financiare, që përbën rreth 11.8% të fondit të përgjithshëm prej 6 miliardë eurosh për periudhën 2024–2027.
Plani i Rritjes synon të përshpejtojë zhvillimin ekonomik të rajonit dhe të afrojë vendet me standardet e BE-së, por fondet janë të kushtëzuara ngushtë me zbatimin e reformave konkrete brenda afateve të përcaktuara.
Në këtë kuadër, presioni ndaj Shqipërisë rritet për të avancuar me reformat kyçe, në mënyrë që të mos humbasë një pjesë të konsiderueshme të financimit nga Brukseli.a.b
