Një incident i rëndë është regjistruar në IEVP Reç, ku dy të paraburgosur kanë ushtruar dhunë ndaj një punonjësi të Policisë së Burgjeve, duke kundërshtuar me forcë autoritetin dhe duke dëmtuar pajisje brenda institucionit.
Sipas Drejtoria e Përgjithshme e Burgjeve, shtetasit me iniciale Ardian Gjoni dhe Françesko Doçi janë përfshirë në ngjarje, duke shkaktuar edhe dëme materiale në ambientet e burgut.
Reagimi i strukturave përgjegjëse ka qenë i menjëhershëm. Përfaqësues të lartë të Drejtorisë së Burgjeve kanë shkuar në vendngjarje dhe kanë ndjekur nga afër situatën, ndërsa forcat e sigurisë kanë ndërhyrë për neutralizimin e rrezikut dhe rivendosjen e rendit.
Punonjësi i dëmtuar ka marrë ndihmën mjekësore dhe ndodhet jashtë rrezikut për jetën.
Ndaj dy të paraburgosurve janë marrë masa të menjëhershme, përfshirë vendosjen në regjim të veçantë izolimi për 3 muaj, nisjen e procedimit penal për disa vepra penale, si dhe transferimin në një institucion të sigurisë së lartë, në bashkëpunim me Shërbimi i Kontrollit të Brendshëm të Burgjeve.a.b
