Në kryeqytet pritet të zhvillohen paralelisht dy aktivitete të mëdha: protesta e thirrur nga opozita dhe eventi muzikor “Muse-X”, të cilat mbahen në të njëjtën orë dhe vetëm disa metra larg njëra-tjetrës.
Kjo situatë ka ngritur shqetësime për mbarëvajtjen e protestës, pasi zhvillimi i një koncerti me skena, muzikë dhe fluks pjesëmarrësish, mund të ndikojë drejtpërdrejt në organizimin dhe sigurinë e tubimit të opozitës.
Eventi “Muse-X”, i cili po zhvillohet në Tiranë, është një aktivitet disa ditor që përfshin koncerte, aktivitete artistike dhe programe kulturore, dhe mbështetet nga institucione shtetërore, përfshirë Ministria e Ekonomisë, Kulturës dhe Inovacionit dhe Ministria e Arsimit dhe Sportit.
Fakti që të dyja aktivitetet zhvillohen në të njëjtën kohë dhe në afërsi shumë të madhe fizike përbën pengesë për zhvillimin normal të protestës dhe si një provokim i drejtpërdrejtë ndaj saj.a.b
