Në GJKKO u zhvilluan seancat për caktimin e masave të sigurisë ndaj tre personave të ndaluar në kuadër të operacionit të SPAK, që goditi një grup kriminal të dyshuar të drejtuar nga Jetmir Pepa.
Të arrestuarit për të cilët u dha vendimi i gjykatës arrest me burg janë Lulzim Pepaj, Florian Marku, Anton Kola.
Sipas burimeve hetimore, operacioni është pjesë e një hetimi më të gjerë ndaj aktivitetit të dyshuar kriminal të këtij grupi, ndërsa pritet që gjatë seancave të bëhen të ditura edhe detaje të reja mbi rolet dhe veprimtarinë e secilit prej të ndaluarve.
Ndërkohë, në fokus të hetimeve është edhe kompania Pepa Group, e cila është sekuestruar nga SPAK. Sipas të dhënave paraprake, kjo kompani rezulton të ketë përfituar tender për restaurimin e Komandës Mbështetëse të Ushtrisë Shqiptare, çka ka ngritur dyshime për mënyrën e përfitimit të kontratave publike.
Seancat në GJKKO pritet të vijojnë me paraqitjen e provave nga prokuroria dhe mbrojtja, ndërsa në përfundim gjykata do të vendosë mbi masat e sigurisë për tre të ndaluarit. a.b
