Aktivisti dhe gazetari Aulon Kalaja u godit dhunshëm këtë mbrëmje nga policia gjatë protestës së opozitës.
Kryetari i Partisë Demokratike, Sali Berisha, ka reaguar ashpër duke akuzuar policinë për ushtrim dhune ndaj gazetarit dhe anëtarit të Këshillit Kombëtar të PD-së, Aulon Kalaja.
Në një deklaratë publike, Berisha tha se sulmi ndaj Kalasë është kryer me urdhër të drejtpërdrejtë të kryeministrit Edi Rama, duke e cilësuar ngjarjen si një “akt kriminal hakmarrës”.
“Narko-policia godet rëndë me urdhër të Edi Ramës gazetarin, anëtarin e Këshillit Kombëtar dhe kandidatin për deputet më të votuar të rrethit Krujë, Aulon Kalaja. Dënoj me forcën më të madhe këtë akt kriminal hakmarrës primitiv të Edi Ramës”, shprehet Berisha në reagimin e tij.r.p
