Kryeministri Edi Rama ka zhvilluar këtë të enjte një vizitë pune në Romë, ku është pritur me ceremoni zyrtare nga homologja e tij italiane, Giorgia Meloni, në Pallatin Chigi.
Pas pritjes zyrtare, dy kryeministrat zhvilluan një takim kokë më kokë, ku në qendër të diskutimeve ishte ecuria e bashkëpunimit dypalësh, forcimi i marrëdhënieve mes Shqipëria dhe Italia, si dhe çështje me interes të përbashkët në nivel rajonal dhe evropian.
Vizita e Ramës në Romë, e cila do të pasohet nga ndalesa në Barcelonë, vjen në kuadër të angazhimeve ndërkombëtare dhe përpjekjeve për të forcuar bashkëpunimin me partnerët evropianë.
Në një reagim në rrjetet sociale, Rama theksoi rolin mbështetës që Italia ka pasur ndaj Shqipërisë ndër vite, duke veçuar qeverinë aktuale italiane për intensitetin e bashkëpunimit. Sipas tij, në 35 vitet e fundit, të gjitha qeveritë italiane kanë qenë dashamirëse ndaj Shqipërisë, por qeveria e drejtuar nga Meloni ka ndërmarrë një program të ngjeshur bashkëpunimi strategjik.
Kreu i qeverisë shqiptare u shpreh se afrimi i mëtejshëm me Italinë përmes projekteve konkrete dhe të mëdha do të sjellë më shumë zhvillim dhe siguri për vendin.m.kPas takimit pati një njogtim të thatë nga zyra e qeverisë shqiptare ndryshe nga herë të tjera ku kishte festë para dhe pas takimit. Rama nuk po kalon dot IBAR në Bruksel që duhet të marrë mbështerjen edhe të 9 vendeve anëtare të BE që hezitojnë. m.k
