Presidenti amerikan Dolad Trump i ka propozuar Senatit. Eric Wendt si Ambasador të Jashtëzakonshëm dhe Fuqiplotë në Republikën e Shqipërisë.
Wendt, me origjinë nga Kalifornia, është një oficer karriere me përvojë të gjatë në ushtrinë amerikane. Ai mban një diplomë bachelor në “Law and Society” nga University of California Santa Barbara, si dhe një master në Çështje të Sigurisë Kombëtare nga Naval Postgraduate School në Monterey, Kaliforni.
Ai shërbu në ushtri që prej vitit 1986, fillimisht për afro pesë vite në këmbësori, ndërsa që nga viti 1991 ishte pjesë e forcave speciale si oficer “Green Beret”. Pas sulmeve të 11 shtatorit, Wendt ka marrë pjesë në disa nga operacionet më të rëndësishme ushtarake të SHBA-së, përfshirë misione në Indonezi, në kuadër të Operation Enduring Freedom Philippines, si dhe në dy ture shërbimi në Operation Iraqi Freedom dhe në Operation Enduring Freedom Afghanistan.
Gjatë karrierës së tij, ai ka mbajtur një sërë detyrash të rëndësishme drejtuese ne shtabet e ushtrise, përfshirë edhe rolin e ndihmësit kryesor ushtarak të Sekretarit amerikan të Mbrojtjes. Wendt ka komanduar në të gjitha nivelet e forcave speciale, nga njësitë operative në terren deri te komandat e operacioneve speciale në nivel teatri.
Ai flet arabisht dhe koreanishte dhe është dekoruar me disa çmime prestigjioze ndërkombëtare, mes tyre Kryqin e Artë të Nderit të Gjermanisë për shërbim luftarak në Afganistan, si dhe dekorata nga Filipinet, Koreja e Jugut dhe Tajlanda. Ai mban gjithashtu një sërë titujsh elitare ushtarake, përfshirë “Ranger Tab”, “Special Forces Tab” dhe “Combat Infantryman Badge”.
Para këtij emërimi, Wendt ka shërbyer edhe si Koordinator i Sigurisë së Shteteve të Bashkuara për Izraelin dhe Autoritetin Palestinez.m.k
