Kryetari i Komisionit për Çështjet e Jashtme në Parlamenti Evropian, David McAllister, e konsideroi çështjen “Balluku” si një provë të rëndësishme për Shqipërinë në luftën kundër korrupsionit.
Gjatë një konference për media, në përgjigje të interesimit të gazetarëve, McAllister tha se kjo çështje ka qenë pjesë e diskutimeve gjatë vizitës së delegacionit dhe takimeve të zhvilluara në vend.
Ai theksoi se nuk është në pozicion për të komentuar raste konkrete, por shtoi se është në dijeni të situatës, e cila – sipas tij – nuk lidhet vetëm me aspektin juridik, por edhe me përgjegjësinë politike.
“Çështja që përfshin Ballukun është një test kritik për Shqipërinë në adresimin e korrupsionit. Nuk kam komente të mëtejshme për këtë”, u shpreh ai. a.b
