Pamje nga operacioni
Pas informacioneve të siguruara në rrugë operative për ushtrim prostitucioni në një apartament të marrë me qira në rrugën “Çamëria”, në Tiranë, policia e Tiranës zhvilloi një aksion në bashkëpunim me Prokurorinë e Tiranës.
Në përfundim të ndërhyrjes, u arrestuan në flagrancë dy shtetase nga Kazakistani, K. Zh., 19 vjeçe dhe Zh. Sh., 25 vjeçe, pasi nga hetimet paraprake rezultoi se ushtronin prostitucion në ambientet e apartamentit të marrë me qira.
Po ashtu, nisi procedimi penal për një shtetas 33-vjeçar, i dyshuar si përfitues nga kjo veprimtari e paligjshme.
Gjatë operacionit, shërbimet e policisë sekuestruan një shumë parash, e dyshuar si e përfituar nga aktiviteti i kundërligjshëm, si dhe dy telefona celularë që do t’i nënshtrohen ekspertizës.
