Takim me Presidentin Begaj
Drejtori i Zyrës për Europën dhe Azinë në Byroin e Çështjeve Ndërkombëtare të Narkotikëve dhe Zbatimit të Ligjit të Departamentit të Shtetit të SHBA-së, Mark Tervakoski, ka zhvilluar një seri takimesh me zyrtarë shqiptarë të drejtësisë dhe zbatimit të ligjit, si dhe me përfaqësues të shoqërisë civile dhe misioneve ndërkombëtare në Tiranë.
Qëllimi i vizitës ishte të theksohej bashkëpunimi i ngushtë mes Shteteve të Bashkuara dhe Shqipërisë në fushën e zbatimit të ligjit, për të adresuar sfidat e krimit të organizuar ndërkombëtar dhe trafikimit të drogës. Shtetet e Bashkuara kanë riafirmuar angazhimin e tyre për të ofruar aftësi, mjete dhe bashkëpunim teknik, si në Shqipëri ashtu edhe në nivel global, me partnerë që ndajnë të njëjtin objektiv për të luftuar kriminelët që dëmtojnë qytetarët dhe kërcënojnë sigurinë kombëtare.
Gjatë qëndrimit në Shqipëri, Tervakoski është takuar me drejtues të institucioneve kryesore të zbatimit të ligjit dhe drejtësisë, përfshirë Presidentin Begaj, kreun e SPAK dhe përfaqësues të Byrosë Kombëtare të Hetimit, duke nënvizuar rëndësinë e partneritetit dypalësh në përballimin e këtyre sfidave komplekse. Në axhendë nuk ishte parashikuar takim me Kryeministrin Rama. a.b
