Një aksident rrugor është regjistruar pasditen e sotme në qarkun e Dibrës. Rreth orës 15:40, në aksin rrugor Peshkopi–Maqellarë, pranë fshatit Dovalan, janë përplasur dy automjete që drejtoheshin nga shtetasit K.L., 68 vjeç, dhe N.J., 57 vjeç.
Si pasojë e përplasjes, kanë mbetur të lënduar të dy drejtuesit e mjeteve, si dhe bashkëshortet e tyre, shtetaset H.J., 55 vjeçe, dhe V.L., 66 vjeçe.
Për shkak të gjendjes shëndetësore, shtetasi K.L. dhe bashkëshortja e tij, V.L., janë transportuar me helikopter drejt Tiranës për të marrë ndihmë më të specializuar mjekësore, ndërsa të lënduarit e tjerë po trajtohen nga shërbimet shëndetësore.a.b
