Tentoi të vriste me makinë komshiun e tij, vihet në pranga 32-vjeçari.
Policia në Durrës arrestoi shtetasin B. Sh., 32 vjeç, banues në Sukth, i dyshuar për kryerjen e veprave penale “Vrasje me dashje”, e mbetur në tentativë.
“Në fshatin Perlat, Sukth, pas një konflikti për motive të dobëta (fyerje dhe ofendime), ky shtetas tentoi të vriste me automjetin që drejtonte, komshiun e tij, shtetasin L. D., 40 vjeç, banues në Sukth. Ky i fundit, si pasojë e goditjes me automjet, pësoi dëmtime dhe u transportua në Spitalin Rajonal Durrës, ku po merr ndihmë mjekësore.
Shërbimet e Komisariatit të Policisë Durrës dhe shërbimet e Policisë Rrugore i kryen testin e alkoolit, ku rezultoi se ai drejtonte automjetin në gjendje të dehur, me masën 0.92 mg/l”, njoftoi policia e Durrësit. a.b
