Po të mos ishte Antimafia Italiane, Elvis Doçi do ishte duke pirë verë Romanee Conti me Edi Ramën! Altin Dumani bllokoi operacionin, tha sot në një konferencë për shtyp kreu i PD, Sali Berisha.
“E kam përgëzuar dhe prapë e përgëzoj sot Antimafian Italiane.
Se po të mos qe Antimafia Italiane, Elvis Doçi dhe gjithë ajo kompani do ishin duke pirë verë Romanee Conti me Edi Ramën.
Ta keni të qartë këtë.
Sot, po, sepse Altin Doçi, Poja i Skapit, deklaroi dje se e kishim vendosur me Antimafien Italiane që të mos i arrestonim në kohën kur ata kërkuan, çka tregoi se ai ka mashtruar Antimafien vetëm e vetëm që kryekrimineli i Durrësit, Ergys Agasi me bandën e tij nga Edi Rama, të kryenin operacionin elektoral që kryen.
Dje, Altin Doçi zhveshi veten lakuriq para shqiptarëve.
Po në qoftë se ishte qëllimi i Antimafies Italiane shtyrja, nuk nxirrte lajmërimin e gjykatës Antimafia Italiane.
Ai nxori vendimet, ai solli vendimet dhe ky në emër të Edi Ramës i kërkoi leje se meqë kemi një operacion tani… të mos i arrestojmë se na duhen për votat.
Ata natyrisht kanë thënë mbikëqyreni dhe ata u thanë mirupafshim pasi mbaroi misioni.
Nuk ka gjë më të turpshme.
Sot në vend të tij duhet të ishte Altin Dumani.
Duhet të ishte Altin Dumani në vend të Pojës sepse tregoi se ka bllokuar operacionin”, tha Berisha. a.b
