Kryeministri Edi Rama ka komentuar sot në lidhke me mesazhet që ndjekës të tij i kanë shkruajtur në rrjete sociale duke përzgjedhir ato më të rëndat për të në përpjekje për të shfryrë zemërimin e njerëzve.
“Nëse e fitoni prapë, nuk dua të shikoj asnjë koment që ankohen, sepse mesa duket duan vetëm të vuajnë dhe të largohen. Ndërkohë, ai që duhet të ikë je ti.” , ka komentuar Anxhela Kalemi.
Ndërsa përgjigja e Ranës anashkalon problemet e brendshme, korrupsionin që vijon edhe sot. Ai thotë se qeveria i ka bërë shqiptarët me dinjitet.
PËRGJIGJA E RAMËS/ Anxhela shqiptarët janë në të drejtën e Zotit, edhe në të drejtën e të zotit të shtëpisë, të ankohen sa ta shohin të nevojshme. Shprehja e pakënaqësisë tregon se ka, jo vetëm vend për më shumë, por ka edhe ambicie për më shumë. Unë jam vetë i pakënaqur, jam shumë i pakënaqur me shumë gjëra, dhe prandaj jam edhe shumë ambicioz për t’i bërë gjërat mirë. Dhe pa diskutim, shqiptarët nuk duan vetëm të vuajnë, por shumica e shqiptarëve e sheh ndryshimin, sepse e prek ndryshimin, sepse jeton me ndryshimin dhe sepse ndjen në radhë të parë atë gjë të shumë të madhe që kanë ndodhur. Ka ndodhur diçka shumë e madhe, Anxhela, që nuk ka ardhur nga qielli, por ka ardhur rezultat i përpjekjes dhe i mbështetjes së madhe të shqiptarëve për këtë përpjekje, që është që shqiptarët sot, nuk janë më njerëz që shihen si njerëz pa asnjë vlerë, Shqipëria sot nuk është më një vend që konsiderohet një vend pa asnjë vlerë. Ka ndodhur rivendosja e identitetit shqiptar në vendin që i takon, jo më në sytë tanë, në sytë e njëri-tjetrit, por edhe në sytë e të tjerëve, të fqinjëve dhe të të gjithë të tjerëve. Nga një vend që nuk e besonte askush, nga një vend, ku në vitet e fundit nuk vinte më askush, flas për udhëheqës të vendeve të tjera. Nga një vend që ishte ngelur në bisht në të gjitha proceset, nga një vend që nuk gëzonte respekt dhe vlerësim, jo, jo. Ne sot jemi në një vend që respektohet, që vlerësohet dhe që besohet, dhe sot jemi të ulur në tryezën e marrëveshjes së madhe e krushqisë, po e quaj unë me familjen e madhe të Bashkuar Europiane e kupton Anxhela.
Kështu që, shqiptarët janë shumë të qartë, shumica dërrmuese e tyre janë shumë të qartë, pjesa tjetër ka nevojë të hapi sytë dhe në atë pjesë hyn edhe ti. Ke nevojë të hapësh sytë, të shohësh realitetin, dhe patjetër të shikosh, të kritikosh ato që nuk shkojnë, padiskutim nuk je je aspak e detyruar të pëlqesh apo të aprovosh atë që them dhe bëj unë, por ama një me kënetën, në asnjë mënyrë me hijet e së shkuarës, në asnjë mënyrë me njëpolitikan të lashtë, të dëshpëruar, të pashpresë, që e marrin vërdallë për Shqipëri, për hallet personale të tij. Në asnjë mënyrë, sepse e thoshte bukur një komentator: Ne do të kujdesemi për pleqtë në atë fazë ku është dhe ai katrani me bojë dhe jo të kujdesen pleqtë për ne. Dhe kjo është shumë e thjeshtëdhe shumë e drejtpërdrejtë dhe shumë e qartë, kuptove Anxhela? a.b
