Breshëri plumbash nga një makinë në Kamzë në drejtim të një makine tjetër. Ngjarja ka ndodhur këtë mbrëmje në rrugën New York të qytetit.
“Rreth orës 22:30, në rrugën “New York”, tek Rrethi i Bathores, dyshohet se nga një automjet është qëlluar me armë zjarri në drejtim të një automjeti tjetër. Nuk ka të lënduar në njerëz.
Shërbimet e Policisë kanë bërë rrethimin e zonës dhe vijojnë kontrollet për gjetjen e automjetit dhe kapjen e autorit”, njoftoi policia e Kamzës.
Ndërkohë, grupi hetimor nën drejtimin e Prokurorisë po punon për sqarimin e rrethanave të ngjarjes. a.b
