Vendi i ngjarjes
3 fëmijë humbën jetën në Gjakovë si pasojë e shembjes së një ndërtese të pabanuar.
Ngjarja e rëndë ndodhi rreth orës 16:02, kur të tre adoleshentët ishin duke luajtur pranë objektit që u shemb.
Tre adoleshentët e moshës 13 dhe 15 vjeçare; Ideal Ramaj, Ramë Mehmetaj dhe Veton Morina kanë humbur jetën si pasojë e shembjes së shtëpisë në fshatin Jabllanicë të Gjakovës.
“Më datë 1 shkurt 2025, rreth orës 22:50, jemi njoftuar se në fshatin Jabllanicë është rrëzuar pllaka e një shtëpie të pabanuar, duke zënë poshtë tre fëmijë. Në vendngjarje kanë dalë njësitë e nevojshme policore, si dhe ekipet e emergjencës, përfshirë ambulancën dhe zjarrfikësit. Personeli mjekësor ka konstatuar në vendngjarje vdekjen e viktimave. Lidhur me rastin, është njoftuar edhe prokurori i shtetit, në koordinim me të cilin aktualisht janë duke u ndërmarrë veprimet e nevojshme hetimore,” njoftoi më herët policia e Gjakovës. a.b
