Kledian Llaho
SPAK kërkon pezullimin nga detyra të kreut të Prokurorisë së Sarandës, Kledian Llaho, pas hetimeve për korrupsion.
SPAK ka kërkuar pezullimin nga detyra të kreut të Prokurorisë së Sarandës, Kledian Llaho, i cili po hetohet për korrupsion. Gjykata ka pranuar kërkesën e SPAK-ut dhe ka vendosur të pezullojë nga detyra prokurorin Llaho, ndërkohë që hetimet ndaj tij janë në proces, njoftojnë burime nga GJKKO.
Më 10 janar 2025, edhe Inspektori i Lartë i Drejtësisë (ILD) i është drejtuar Këshillit të Lartë të Prokurorisë (KLP) me një kërkesë për masë disiplinore ndaj tij. Sipas ILD-së, Llaho është përgjegjës për një shkelje të rëndë disiplinore, duke shkelur etikën dhe standardet profesionale që i kërkohen një prokurori në detyrë. Për këtë arsye, ILD ka propozuar masën e uljes së pagës së tij me 40% për një periudhë njëvjeçare.
Ndërkohë, burime pranë prokurorisë bëjnë me dije se Llaho ka mohuar të gjitha akuzat dhe ka deklaruar se do të mbrojë veten me të gjitha mjetet ligjore.
Në ditët në vijim, pritet që KLP të shqyrtojë kërkesën e ILD-së dhe të marrë një vendim përfundimtar mbi masën disiplinore të propozuar. a.b
