Dëbora bllokoi këtë pasdite akset rrugore Pogradec-Prrenjas dhe Librazhd-Peshkopi, ndërsa ka izoluar dhjetra fshatra në Kukës e zona të tjera.
Reshjet e dendura të dëborës kanë shkaktuar bllokime të rënda në aksin rrugor nga Pogradeci deri në Prrenjas duke krijuar një rradhë të gjatë trafiku disa kilometra në mes të borës.
Situata është përkeqësuar nga mungesa e borëpastrueseve, që ka bërë rrugën nacionale thuajse të pakalueshme.
Në zonën e Steblevës, trashësia e dëborës ka arritur deri në 50 cm, ndërsa ngricat e shoqëruara me reshjet kanë rënduar kushtet e qarkullimit. Në aksin Librazhd-Peshkopi, pavarësisht përpjekjeve për pastrim, rruga mbetet pothuajse e pakalueshme.
Përveç vështirësive në qarkullim, disa zona po përballen edhe me mungesë energjie elektrike, duke izoluar banorët dhe shtuar shqetësimet për sigurinë e tyre. Ndërkaq bora ka bllokuar dhjetra fshatra në Kukës.
Miliona euro shkojnë çdo vit për mirëmbajtjen e rrugëve por udhëtimi në kohë bore në Shqipëri është fare i pasigurt. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
