Pak çaste para arrestimit, del nga makina me pakon e drogës
Sekuestrohen nga policia në Tiranë 1 kg e 50 gramë lëndë e dyshuar narkotike kokainë (me vlerë tregu rreth 270 000 euro).
Policia ka kapur në flagrancë 2 shtetasit që ushtronin këtë veprimtari kriminale. Ata janë Klaudio Serjani, 24 vjeç dhe Euxhenjo Manushi, 20 vjeç.
Vijon intensivisht puna për identifikimin dhe kapjen e personave të tjerë të përfshirë në këtë aktivitet kriminal.
“Gjatë këtij operacioni u arrestuan në flagrancë shtetasit Klaudio Serjani, 24 vjeç dhe Euxhenjo Manushi, 20 vjeç. të dy banues në Tiranë.
Shërbimet e Policisë kanë lokalizuar në rrugën “Kastriotët”, automjetin me drejtues shtetasin K. S., dhe pasagjer shtetasin E. M. Gjatë kontrollit fizik të shtetasit K. S., shërbimet e Policisë i gjetën 1 kg e 50 gramë lëndë të dyshuar narkotike kokainë.
Lënda narkotike, së bashku me një shumë parash dhe celularët e shtetasve të arrestuar, u sekuestruan në cilësinë e provës materiale”, njoftoi policia e Tiranës.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme. a.b
