Kontrolle banese në shtëpinë e kryebashkiakut të Tiranës Erion Veliaj dhe familjarëve të tij me urdhër të Prokurorisë
Sot janë kryer kontrolle banesash në shtëpinë e kryebashkiakut të Tiranës, Erion Veliaj, si dhe në ato të familjarëve të tij, me kërkesë të prokurorit Ols Dado. Vendimi për masën e kontrollit është miratuar nga Gjykata.
Burime pranë Prokurorisë konfirmojnë se procedimi penal lidhet me një hetim pasuror, që synon të verifikojë burimin e të ardhurave dhe pasurive në pronësi të kryebashkiakut dhe të afërmve të tij.
Në momentin e zhvillimit të kontrolleve, kryebashkiaku Veliaj ndodhej jashtë vendit, në Gjermani, ku po merr pjesë në një takim pune. Deri tani, nuk ka asnjë reagim zyrtar nga Veliaj apo përfaqësuesit e tij ligjorë.
Ky hetim ka ngjallur interes të madh publik dhe pritet që zhvillimet e mëtejshme të hedhin më shumë dritë mbi këtë çështje.a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
