Gjykata Kushtetuese vendosi sot të mos lironte nga arresti Jamarbër Malltezin por me një vendim për mosarritje të marrë vendim. Numri 8 i gjykatësve ka bërë që të mos arrihet kuorumi për vendim prej 5 gjyqtarësh për shkak se rezultati në lidhje me çlshtjen ka qenë 4 me 4.
Në postimin e tij në Facebook, Malltezi thekson se ‘Kushtetuesja’ nuk e pati problem kur nuk legjitimoi 1/5 e deputetëve të opozitës, as kur u bënë meme me vendimin ndaj kreut të PD, Sali Berisha i cili sipas saj mund të dilte jashtë shtetit por jo nga shtëpia.
“Kur nuk e patën problem që dolën delenxhinj duke thënë se 1/5 e deputetëve nuk legjitimohen dhe nuk e patën problem të bëhen meme me atë se Berisha lejohet të dalë jashtë shtetit por jo jashtë shtëpie, këto palaçollëqe janë të pritshme. “Afërmendsh” gjykata!”, deklaroi Malltezi i cili është edhe anëtar i Këshillit Kombëtar të PD.
Edhe në nkë njoftim Gjykatës Kushtetuese thuhet se vebdimarrja ka qënë 4:4, duke mos arritur dot shumicën e nevojshme vendimmarrëse.
“Në datën 05.12.2024, Gjykata Kushtetuese ( Gjykata) mori në shqyrtim çështjen me kërkues Jamarbër Malltezi, me objekt shfuqizimin e vendimeve nr. 112, datë 20.10.2023 dhe nr. 116, datë 23.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar; nr. 56, datë 21.11.2023 të Gjykatës së Apelit për Korrupsionin dhe Krimin e Organizuar; nr. 00-2024-384, datë 05.03.2024 të Kolegjit Penal të Gjykatës së Lartë, si të papajtueshme me Kushtetutën e Republikës së Shqipërisë.
Në përfundim të shqyrtimit të çështjes, Gjykata, bazuar në nenin 73, pika 4, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese”, të ndryshuar, vendosi rrëzimin e kërkesës, për shkak të mosformimit të shumicës së nevojshme vendimmarrëse prej 5 gjyqtarësh”, thuhet në vendim. m.k
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
