Kreu i Grupit Parlamentar të Partisë Demokratike, Gazment Bardhi, ka reaguar ashpër lidhur me aferën e Portit të Durrësit, duke e cilësuar atë si një nga skandalet më të mëdha të qeverisë së Edi Ramës dhe ministres Belinda Balluku. Në një deklaratë të bërë publike, Bardhi kërkoi një hetim të plotë parlamentar mbi këtë çështje, duke theksuar se transparenca dhe llogaridhënia janë thelbësore.
“Afera e Portit të Durrësit, sipas investigimeve serioze të mediave gjermane, ka gjurmë që shkojnë deri në Ekuador dhe Kolumbi. Kjo është një nga aferat më të mëdha që duhet të hetohet me seriozitet dhe pa asnjë vonesë,” u shpreh Bardhi.
Në mbledhjen e Grupit Parlamentar të PD, u vendos që të kërkohet zyrtarisht ky hetim për të siguruar transparencën mbi pasuritë publike dhe për të verifikuar çdo lidhje të dyshuar të krimit të organizuar me projekte strategjike të vendit.
Bardhi gjithashtu nxit Prokurorinë e Posaçme (SPAK) që të hetojë urgjentisht investigimet e publikuara, duke theksuar rëndësinë e luftës kundër korrupsionit dhe lidhjeve të dyshuara me krimin e organizuar ndërkombëtar.
Kjo aferë ka nxitur debat të gjerë në opinionin publik dhe ka thelluar përplasjet mes mazhorancës dhe opozitës, ndërkohë që pritet një përgjigje nga institucionet përkatëse.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
