Shmangën 54 mln lekë taksa e tatime, Prokuroria e Tiranës dërgon në gjyq biznesin me emrin ‘Benet Holdin’ shpk dhe administratoren për ‘Fshehje të të ardhurave’ dhe‘Mospagim të taksave e tatimeve’
Prokuroria pranë Gjykatës së Shkallës së Parë në Tiranë përfundoi hetimet dhe dërgon në gjyq administratoren Genta Përlekaj dhe subjektin ‘Benet Holdin’ shpk për veprat penale ‘Fshehja e të ardhurave’ dhe ‘Mospagimi i taksave dhe tatimeve’.
”Biznesi në fjalë me aktivitet të “Këshillimit për biznes dhe këshillime të tjera” dhe administratorja Genta Përlekaj kanë konsumuar elementë të veprës penale “Mospagim të Taksave dhe Tatimeve” dhe ‘Fshehje të të ardhurave’ për periudhën 2018-2021.
Nga hetimet rezultoi se shoqëria Benet Holding shpk, nëpërmjet mosdorëzimit të dokumenteve ose mosdeklarimit të të dhënave të nevojshme, sipas legjislacionit në fuqi si dhe duke dorëzuar dokumente apo deklarata të rreme, me qëllim fitimin material, për vete apo për të tjerët, përmes përllogaritjes së pasaktë të shumës së tatimit, taksës, kanë mundur të shmangin detyrimet në organin tatimor në vlerën totale 53.891.336 lekë”, thuhet në njoftimin e prokurorisë së Tiranës. a.b
