Qytetarë të Tiranës protestuan sot nga shkolla Fan Noli drejt ministrisë së Arsimit duke kërkuar edhe dorëheqjen e ministres. “Hap derën, largohu, jep dorëheqjen, ik, ik’, ishin thirrjet e qytetarëve qw e konsiderojnë ministrinë e arsimit përgjegjëse.
Protesta marshim u bë në shenjë të vrasjes së nxënësit 14 vjeçar të ‘Fan Nolit’, Martin Cani.
Me parullat “Institucionet e papërgjegjshme vrasin”, protestuesit protestuesit kanë bërë përgjegjëse ministrinë.
“Ka dështim të institucioneve në lidhje me ngjarjen. Kjo situatë është në kapitullim. Nga mësuesi, psikologu, mësuesi, e ministria. Ne kemi nevojë për siguri” thotë përfaqësuesi i shoqërisë civile, Migen Qiraxhi.
Ai tha se kjo është një protestë homazh që do të ndalet me kërkesa para ministrisë së arsimit, ku kërkohet rritja e sigurisë së fëmijëve në shkolla; që në shkollë të ketë punonjës të sigurisë, shërbim psikologjik e psikosocial dhe mbështetje më të madhe nga mësuesit. a.b
