Ish futbollisti i njohur i kombëtares shqiptare Alban Bushi humbi sot dy prindërit e tij në një aksident tragjik në Greqi. Aksidenti ka ndodhur në rrugën “Egnatia”, në aksin Veria-Selanik, pranë Kouloura Imathias kur një furgon me targa PMX-8942 i drejtuar nga 47-vjeçari grek Marios Simitliotis është përplasur me automjetin tip “Mercedes-Benz” me targa shqiptare AB 454 GF që drejtohej nga 75-vjeçari shqiptar Ali Bushi, i ati i Albanit.
Si pasojë e përplasjes kanë humbur jetën 75-vjeçari Ali Bushi dhe bashkëshortja e ti, 71-vjeçarja Bukurije Bushi. I plagosur lehtë ka mbetur edhe shtetasi grek, i cili është arrestuar nga policia. a.b
