Kryeministri Edi Rama komentoi për herë parë arrestimin e Ilir Metës gjatë një konference për mediat me Presidenten e Komisionit Europian, Ursula von der Leyen.
”As unë dhe as forca politike që unë udhëheq, nuk bëjnë komente për çështje që i takojnë drejtësisë, Kur ndodh që çështjet të përmbyllen, mbase në ndonjë rast ia vlen që të bëhet ndonjë koment, sidomos kur vihet në vend drejtësia për fenomene katastrofike për shoqërinë, siç është shpifja. Për rastin konkret është tipikisht një rast që i takon drejtësisë”, tha kryeminsitri Rama.
Edhe Von der Leyen u përgjigj në këtë pyetje të bërë prej gazetarëve.
“Nuk do të bëj komente për procedime gjyqësore. Ne bashkëpunojmë me Shqipërinë për reformën gjyqësore, por kjo nuk ka të bëjë me raste individuale”, dekëaroi Presidentja e KE.
Rama dhe Meta kanë një histori të gjatë të përbashkët politike. Ai u bë kryetar bashkie në Tiranë mbështetur nga Meta në vitin 2000 dhe po ashtu pati mbështetjen e tij brenda PS edhe në 2003 dhe më pas në 2007 si kreu i LSI. Ndarja mes tyre ishte e përkohshme ku Meta vendosi të përfshihej në koalivion me Berishën në 2009. Por u rikthyen prapë bashkë në 2013. Meta u caktua kryetar i Kuvendit dhe në 2017, Rama e propozoi atë si President të vendit, post që e mbajti deri në vitin 2022. Kanë patur pak a shumë të njëjtin fat. a.b
a.b
