Roberto Baggio dhe familja e tij u grabitën dhe u dhunuan në shtëpinë e tyre pikërisht kur po ndiqnin ndeshjen Itali-Spanjë të vlefshme për Euro 2024 këtë të enjte.
Ngjarja ndodhi rreth orës 22:00 kur 5 persona të armatosur hynë në vilën e futbollistit në Altavilla Vicentina.
Pas një përleshje fizike mes tij dhe grabitësve, njëri nga këta qëlloi ish futbollistin e famshëm me armë në kokë dhe më pas e izoluan bashkë me familjen në dhomë, raporton Corriere dello Sport.
Gjatë kësaj kohe kriminelët kanë kthyer përmbys çdo dhomë, duke vjedhur orë, bizhuteri dhe para, por ende nuk është përcaktuar vlera e sendeve të vjedhura.
Kur futbollisti kuptoi se grabitësit ishin larguar, ka thyer derën dhe ka lajmëruar policinë. Karabinierët kanë ndërhynë me shpejtësi pasi kanë dëgjuar denoncimin e Baggios dhe familjes së tij, ndërsa prokuroria ka nisur një hetim duke sekuestruar të gjitha pamjet e vëzhgimit me video.
Baggio është dërguar në urgjencën e Arzignano, ku u trajtua nga mjekët dhe ka dalë prej andej me disa qepje në ballë.
Baggio ëshzë ish fitues i Topit të Artë. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
