Shqipëria ka shënuar humbje me Italinë këtë mbrëmje në Dortmund duke u mundur 2-1.
Shqipëria shënoi që në sekondën e 24 përmes Bajramit por Italia ka barazuar në minutën e 11 ndaj Shqipërisë përmes Bastonit.
Barrela ka shënuar për të dytën herë për Italinë në minutën e 17, rezultat që nuk ndryshoi deri në fund të ndeshjes.
Italianët dominuan pothuaj deri në 10 minutat e fundit por nuk e fshehën dot asnjëherë frikën se mos hanin ndonjë gol të tipit ‘fati i fillestarit’.
Kampionët ende në fuqi të Evropës u detyruan të përdorin skema që vonojnë lojën përgjatë pjesës së dytë.
Kuqezinjtë kanë tejkaluar disa dobësi tradicionale shqiptare si lodhja në fund të lojës por jo atë të mungesës së kolegjialitetit. Goli i Bajramit në sekondat e para shërbeu si anestezi për ta në vend që të kishte efektin e ‘narkotikut’.
Asani dhe Broja nuk ishin në maksimumin e tyre, bile Asani më shumë dukej si mesfushor se sa si sulmues.
Megjithatë përballë Italisë shumë vlera tulaten, edhe pse e pafalshme kjo të paktën për ata që luajnë në kampionatin italian. r. s
