Policia Kufitare e Morinës ndaloi një person të shpallur në kërkim ndërkombëtar, nga Turqia, i cili është dënuar për krime kundër personit dhe armëmbajtje pa leje.
“Si rezultat i intervistimit të detajuar dhe shkëmbimit të informacionit ndërmjet Interpol Tiranës dhe homologëve në Turqi, u ndalua në hyrje të Shqipërisë, me qëllim ekstradimin në Turqi, shtetasi turk Koray Aniç, 36 vjeç.
Ai ishte shpallur në kërkim ndërkombëtar, pasi Gjykata e Stambollit e ka dënuar me 4 vjet, 6 muaj e 5 ditë burgim, për rrëmbim, kanosje dhe armëmbajtje pa leje”, njofton policia e Kukësit.
Vijojnë procedurat për ekstradimin e 36-vjeçarit, në Turqi.
