Ministri i Brendshëm Taulant Balla ka dhënë detaje sot në lidhje me kërkimet e policisë për të zgjidhur enigmën e zhdukjes së Ervis Martinajt.
Duke folur në emisionin “Top Story” në TCH të Grida Dumës ai tha se në kërkime janë përfshirë edhe polumbarët e RENEA. Ndoshta tani kërkimet vazhdojnë diku tjetër, tha ai.
“Kërkimet aty kanë vazhduar 2 muaj, jo 6 ditë, por ndoshta kërkimet vazhdojnë diku tjetër. Policia shtetit ka një pistë (për Ervis Martinaj). Ka disa deklarime të disa personave që kanë njohuri dhe informacion që duhet të ndërlidhen” – tha Balla.
Ervis Martinaj u shpall i zhdukur nga familjarët në gusht të vitit 2022. Që nga ajo kohë ka pasur shumë variante për fatin e tij, që nga vrasja deri tek operacionet plastike që ai mund të ketë bërë. m.k
