Sekuestrohen në Mirditë 2 mina me telekomandë, 1 kallashnikov dhe municion luftarak.
Vihet në pranga Marian Gjoka, një 28-vjeçar që transportonte minat dhe mbante në banesë 1 armë zjarri kallashnikov dhe municion luftarak.
Në hyrje të qytetit të Rrëshenit, shërbimet e Policisë kanë lokalizuar shtetasin e dyshuar i cili lëvizte me këmbë, në drejtim të qytetit, dhe kanë ndërhyrë menjëherë. Si rezultat u bë arrestimi në flagrancë i Marjan Gjokës, 28 vjeç, banues në Qafë Unazë, njësia administrative Rubik, Mirditë, rezident në Malin e Zi.
Shërbimet e Policisë, gjatë kontrollit në çantën e shpinës së 28-vjeçarit, gjetën dhe sekuestruan në cilësinë e provës materiale, 2 mina me telekomandë, me lëndë plasëse C4, 1 armë zjarri kallashnikov dhe një sasi municioni luftarak.
Nga veprimet e para hetimore dyshohet se 2 minat me telekomandë, 28-vjeçari i ka siguruar në Malin e Zi, ku ishte i punësuar. a.b
