“Xhorxh Sorosi shkatërroi sistemin për ta vendosur drejtësinë në dorën e Ramës. Komisar Sadushi kërcënoi dje avoketërit”, deklaroi dje këtë mbrëmje kreu i opozitës në arrest shtëpie, Sali Berisha.
“Nga 5200 të burgosur, 3200 janë në paraburgim. Imagjinoni miq se ku janë të drejtat e njeriut në këtë vend. I marrin dhe i plasin në qeli sikur të mos ishin njerëz dhe i lënë pa proces gjyqësor sepse shkatërruan sistemin me Xhorxh Sorosin për të vendosur, për të shndërruan drejtësinë në degë ekzekutive.
Komisar Sokol Sadushi kërcënon dje avoketërit, mos sillni rekurse.
Miqtë e mi, në çdo vend të botës, edhe në diktatura, sistemi tre shkallësh i drejtësisë është garanci kushtetuese.
Por pasi krijuan Drejtësinë e Partisë, pasi krijuan drejtësinë si seksion të PS-së, tani nuk kanë më gjykatës, nuk kanë më prokurorë.
Mijëra e mijëra shqiptarë mbahen në burgje sepse nuk ka njeri t’u bëjë dosjen gati, nuk ka njeri të gjykojë ata qindra e mijëra.
Mbi 130 mijë presin në dekada për të mos marrë kurrë vendimin për të drejtat e tyre.
Ky është vetëm njëri aspekt, nga më të shëmtuarit i narkoshtetit.
Por në çdo aspekt ta marrësh, e keqja po ngulitet çdo ditë e më thellë në qenien e kësaj shoqërie dhe të këtij kombi”, tha Berisha. a.b
