Një zjarr që fillimisht nisi në një banesë përfshiu edhe 4 të tjera në Burrel, duke teeguar se nëse boe zjarr në qytetet shqiptare je në mëshirë rë fatit.
Ashtu si pak ditë më parë në Lushnjë edhe kësaj here flakët kanë shkrumbuar disa objekte.
“Mbrëmjen e sotme, në qytetin e Burrelit, ka rënë zjarr në banesën e shtetasit S.S.
Si pasojë e përhapjes së flakëve të zjarrit janë përfshirë nga zjarri dhe janë djegur pjesërisht dhe 4 banesa të tjera që janë ngjitur me banesën e shtetasit S.S., banesa private me çati të përbashkët.
Shërbimet e Policisë kanë evakuuar banorët nga banesat që u përfshinë nga zjarri dhe nuk ka asnjë banor të lënduar”, njofton policia.
Zjarrfikësit kanë bërë të mundur izolimin dhe shuarjen e plotë të zjarrit aktualisht.
Grupi hetimor po punon për zbardhjen e shkaqeve të rënies së zjarrit dhe sqarimin e rrethanave të ngjarjes. a.b
