4 anëtarët e familjes Morgan u gjetën të vrarë në shtëpinë e tyre në Clarkstown, në periferi të New York City, ndërkohë që gruaja ishte shqiptare nga Korça. Ngjarja ndodhi një natë para festës së ndërrimit të viteve.
Policia raportoi se rreshteri në Departamentin e Policisë në Bronxville, Watson Morgan, 49 vjeç, vrau gruan e tij, shqiptaren Ornela Rori 43 vjeç nga Korça dhe djemtë Liam 10 vjeç dhe Gabriel 12 vjeç. Policia beson se më pas ai vrau veten. Ornela Watson ishte një mësuese e shkollës publike në qytetin e Nju Jork-ut.
Katër trupat u zbuluan nga policia pak pas mesnatës të së premtes në shtëpinë e familjes, pasi Morgan nuk u paraqit për turnin e tij të mbrëmjes në Departamentin e policisë Bronxville.
Ornela punonte si mësuese në një shkollë publike në Nju Jork. r.b
