Qeveria prezantoi sot një teknologji të re, Asistenti virtual 1.0, i cili është ideuar për të lehtësuar ndërveprimin e qytetarëve me institucionet shtetërore.
Brenda vitit 2024 do të jetë “live” edhe Asistenti Virtual 2.0, icili do të shfaqet edhe me zë e me figurë dhe do ta bëjë vetë tëgjithë procesin e aplikimit për llogari të qytetarit. Aplikimi iteknologjisë më të re është mundësuar falë bashkëpunimit të ekipit të AKSHI-t për inteligjencën artificiale me gjigandin botëror të teknologjisë Microsoft. Ky asistent nuk është thjeshtë një program kompjuterik, por është udhërrëfyesi dhe ndihmësi i qytetarëve 24 në 7, njofton zyra e shtypit të qeverisë.
Në eventin prezantues të teknologjisë më të re të shërbimeve, Kryeministri Rama u shpreh se “Ky është një shembull kuptimplote i një epoke të re që ka përfshirë të gjithë botën dhe në të cilën ne duam të bëjmë gjithçka për të shfrytëzuar potencialin e jashtëzakonshëm të inteligjencës artificiale.”
Në vijim Rama tha se e dimë shumë mirë që në shumë raste ndodh që përdoruesit e sistemeve digjitale të kenë probleme që nuk lidhen në fakt me vetë sistemet, por lidhen me hapa të gabuar në proceduarat e aplikimit. Kjo ndodh kur aplikojnë në kadastër, ku tanimë i gjithë ndërveprimi është i digjitalizuar dhe nuk ka më asnjë ndërveprim fizik. Kjo ndodh edhe kur aplikojnë edhe për dokumente çfarëdo.
“Ambicia jonë është që asistentin virtual apo këtë shërbëtor të personalizuar publik të qytetarit, ta shtrijmë edhe në platformën e bashkëqeverisjes, ashtu sikundër dua ta nënvizoj paraprakisht dhe pastaj me siguri Linda do ta shpjegojë më në detaje, që asistenti që sot hyn në marrëdhënie me qytetarët përmes ndërveprimit me shkrim po përgatitet që pas një periudhe njohjeje me ta, të hyjë në ndërveprim edhe me zë edhe me figurë dhe madje mos jetë më thjeshtë ndihmësi që i drejton ata në procesin e aplikimit, po të jetë ai që e merr shërbimin për ta”, tha Rama. a.b
