Një person dyshohet se është qëlluar me armë zjarri sot në mëngjes në Tiranë. Nuk ka pasur pasoja nga plumbat ndërsa vetë personi në rrezik ka dhënë detajet.
“Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar”, njofton policia e Tiranës
Grupi hetimor po punon për sqarimin e rrethanave të ngjarjes, identifikimin dhe kapjen e autorit. a.b
